Аргентина футбол майдонларида 20 ёшгача бўлган футболчилар ўртасида давом этаётган жаҳон чемпионати 1/8 финал ўйинида мамлакатимиз U-20 терма жамоаси аъзолари Исроил терма жамоаси билан куч синашди.

Учрашувнинг 90+7 дақиқасида Исроил жамоаси футболчиси А.Халаили киритган гол эвазига терма жамоамиз жаҳон чемпионатидаги иштирокини якунлади.

Шунингдек, ушбу босқичда ўтказилган АҚШ – Янги Зеландия ўйинида 4:0 ҳисоби қайд этилди.

Бугун, 31 майдан 1 июнга ўтар кечаси Бразилия – Тунис, Колумбия – Словакия, Аргентина – Нигерия, Англия – Италия жамоалари 1/4 финал йўлланмаси учун баҳслашади.

Т.Рўзиев,  

ЎзА