Ўзбекистон маданият, спорт ва туризм ходимлари касаба уюшмаси республика Кенгаши тасарруфидаги спорт мактабларида фаолият юритаётган ходимлардан иборат эркаклар жамоалари ўртасида ўтказилган гандбол бўйича республика турнирининг финал босқичи якунланди.
Тошкент вилояти Чирчиқ шаҳрида бўлиб ўтган мусобақанинг якуний натижаларига кўра, Қорақалпоғистон Республикаси жамоаси ғолибликни қўлга киритди. Иккинчи ўрин Наманган вилояти, фахрли учинчи ўрин Фарғона вилояти гандболчиларига насиб этди.
Нукус темир йўл вокзалида мусобақа ғолиблари тантанали кутиб олинди.
Аёллар жамоалари ўртасидаги баҳслар давом этмоқда.
Довуд АБИБУЛЛАЕВ, ЎзА