Малайзия пойтахти Куала-Лумпурда «Top Asia Corporate Ball 2023» номи остида мукофотлаш маросими бўлиб ўтди. Овоз бериш натижаларига кўра, Малайзиядаги таниқли «RHASDNBHD», нашри Тожикистонни “Осиёда альпинизм сайёҳлиги бўйича энг жозибадор мамлакат”, деб эълон қилди. “Ҳовар” агентлиги Тожикистоннинг Малайзиядаги элчихонасига таяниб шу ҳақда ёзмоқда.
«RHASDNBHD» Малайзиядаги энг кўп нусхада чиқадиган нашрлар ўнталигига киради, унинг саҳифаларини бир ойда 400 мингдан зиёд ўқувчи кузатиб боради.
Мазкур нашрнинг асосий йўналиши Осиё минтақасида тараққиёт ва инновация асосига айланган ёки турли соҳада катта янгиликлар киритаётган мамлакатлар, компаниялар ва шахслар ҳақида қизиқарли материаллар бериб боришдан иборат.