Олий Мажлис Қонунчилик палатаси Спикери ўринбосари, OʻzLiDeP фракцияси раҳбари Актам Ҳаитов Хоразмда бўлиб, Гурлан туманида фаолият юритаётган тадбиркорлар билан мулоқот қилди. Партия етакчиси тумандаги “GLOBAL TEKS” МЧЖ фаолияти билан танишди.

Актам Ҳаитов МЧЖ раҳбарияти билан мулоқотларда тадбиркорларнинг мурожаатлари ҳамда таклифларини қабул қилиш мақсадида OʻzLiDePда “call-center” йўлга қўйилганлиги таъкидлади.

У орқали мурожаатларни тегишли вазирлик ва идоралар билан биргаликда ҳал этиш юзасидан зарурий чоралар кўрилишини маълум қилди.

Шунингдек, мазкур корхонанинг фаолиятини янада кенгайтириш ва экспорт қилишдаги муаммоларини бартараф этишга кўмаклашишда партия ҳамиша тайёр эканлигини билдирди.

Шундан сўнг, корхонада бошланғич партия ташкилоти тузилиб, бир гуруҳ ишчи ходимлар партия сафига қабул қилинди. OʻzLiDeP раҳбари иштирокида партиянинг аъзолик гувоҳномалари ва эсдалик совғалари топширилди.

Мафтуна Каримова, ЎзА