Shımbay rayonındaǵı «Berdaq» mákan puqaralar jıyını baslıǵı F.Palvanova óz aymaǵında jasaytuǵın turǵınlardıń qıytaq jerlerin suwǵarıw ushın Taǵjap kanalınan suw alatuǵın islemey turǵan elektr nasosın ońlap berdi. Bul haqqında rayon hákimliginiń rásmiy veb-saytı xabar bermekte.
Bul aymaq turǵınları ushın qıytaq jer úlken áhmiyetke iye. Óytkeni, olar derlik barlıq ónimlerdi usı jerlerden óndirip aladı. Al bunıń ushın kanaldan suw alatuǵın elektr nasosı tiykarǵı texnika esaplanadı. Aymaq turǵınları jıyın baslıǵınıń bunday qayırlı isinen minnetdar boldı.
Qaraqalpaqstan xabar agentligi