Básekini rawajlandırıw hám tutınıwshılardıń huqıqların qorǵaw komitetiniń xabar beriwinshe, mádeniy tariyxıy esteliklerge sırtqı reklama bannerlerin, túrli ólshemdegi bilbordlardı ornatıw, olarǵa shege qaǵıw, sımlar menen ildiriw hám basqa usıllar menen ornatıp, oǵan zıyan jetkerip atırǵan jaǵdaylar ushırasıp turadı.

Ózbekstan Respublikası «Reklama haqqında»ǵı Nızamınıń 26-statyasında, sırtqı reklama hám málimleme obyektlerine (konstrukciyalarına) tiyisli tiykarǵı talaplar belgilep berilgen. Oǵan bola, materiallıq mádeniy miyras obyektlerinde sırtqı reklamanı jaylastırıw qadaǵan etiledi. Bul norma ásirler dawamında áwladtan-áwlatqa ótip kiyatırǵan tariyxıy imaratlardı qásterlep saqlaw maqsetinde bekkemlengen.
Usı tarawǵa tiyisli Ózbekstan Respublikasınıń ayırım nızam hújjetlerine ózgeris hám qosımshalar kirgizilgen bolıp, oǵan bola, materiallıq mádeniy miyras obyektlerin qorǵaw hám olardan paydalanıw qaǵıydaların buzaw hám mámleketlik qorǵawǵa alınǵan materiallıq mádeniy miyras obyektlerin nabıt etiw, buzıw yaki olarǵa zıyan jetkeriw boyınsha juwapkershilik ilajları kúsheytilgen.
Básekini rawajlandırıw hám tutınıwshılardıń huqıqların qorǵaw komiteti tárepinen bunday nızambuzıwshılıqlardıń aldın alıw maqsetinde úyreniwler ótkerilip kelinbekte. Sonday-aq, isbilermenler hám xalıq arasında «Reklama haqqında»ǵı Nızamnıń mazmun-mánisine baǵıshlanǵan úgit-násiyat ilajların turaqlı túrde shólkemlestirip kelmekte, delinedi xabarda.

Qaraqalpaqstan xabar agentligi