Endi zorlıq-zombılıqtan jábirlengen hayal-qızlar my.gov.uz portalı arqalı «Qorǵaw orderi»n alıw ushın onlayn arza tapsırıwı múmkin.
Múrájat profilaktika inspektorlarına berilgen waqıttan baslap 24 saat ishinde kórip shıǵıladı.
Qorǵaw orderi zorlıq ámelge asırǵan shaxsqa bir qatar sheklewler qoyadı. Oǵan: zorlıq-zombılıq ámelge asırıwdı qadaǵan etiw; zorlıq islewshiniń jábirleniwshi menen baylanısın qadaǵan etiw; jábirleniwshi hám zorlıq islewshiniń bir xanada bolıwın qadaǵan etiw; zorlıq islewshige jábirleniwshiniń emleniw, jetkerilgen materiallıq hám ruwxıy zıyandı qaplaw minnetlemelerin júklew, zorlıq islewshiniń qural saqlaw hám alıp júriw huqıqın sheklew sıyaqlılar kiredi.
Qaraqalpaqstan xabar agentligi