Mámlekettiń rawajlanıwında eksportqa shıǵarılatuǵın ónimler tiykarǵı orındı tutadı. Bunda mámleket tárepinen eksport etiwshi kárxanalarǵa berilip atırǵan jeńillikler sebepli óndiriste jaqsı nátiyjelerge erisilmekte.

Bunday ilajlar Beruniy rayonında da dawam etip, eksportyor kárxanalarǵa 2025-jıl dawamında jaqınnan járdem beriw, ónimlerdi eksportqa shıǵarıwǵa kómeklesiw maqsetinde rayon hákiminiń orınbasarı Sh.Kenjaev penen Sawda-sanaat palatası rayonlıq bóliminiń baslıǵı B.Alimov tárepinen úyrenildi. Shimom APJ aymaǵındaǵı «Alawaddin gúnji» JShJ kárxanası tárepinen gúnji ónimin eksportqa jiberiw jaǵdayı tayar halǵa keltirilgen. Aldınǵı jıllarda Pakistan menen Awǵanstan mámleketlerine bul ónimler eksport etilgen bolsa, bıyılǵı jılı sırtqı bazardan qosımsha sherikler menen birge islesiw boyınsha máseleler kórip shıǵılmaqta.

Qaraqalpaqstan xabar agentligi