Aymaqlarda máhálle jetiliginiń xızmetin muwapıqlastırıw, xalıqtıń mashqalaların sheshiw, isbilermenlikti rawajlandırıw menen birge puqaralardıń bántligin támiyinlew baǵdarındaǵı jumıslar orınlarda úlken juwapkershilik penen dawam etpekte.
Beruniy rayonı Gúlistan máhálle puqaralar jıyınında ótken 2024-jılı dawamında shańaraqlıq isbilermenlik baǵdarlaması sheńberinde hákim járdemshisiniń usınısları tiykarında 52 puqaraǵa 1 mlrd 128,2 mln sum muǵdarında jeńilletilgen kreditler ajıratıldı. Házirgi waqıtta bul imkaniyatlardan orınlı paydalanǵan puqaralar ózleriniń isbilermenlik jumısların dawam etip, ózleri menen birge basqa da jumıssız puqaralardıń bántligin támiyinlewge erispekte.

Qaraqalpaqstan xabar agentligi