Ótken jıldıń noyabr ayında Oraylıq bank bir fizikalıq tárepke kartaları sanın bir bankte 5ke shekem belgilew máselesi kórilip atırǵanı haqqında xabar bergen edi.

Spot basılımınıń óz dereklerine súyenip jazıwınsha, Oraylıq bank bul baǵdarda 2025-jıldıń 1-yanvarınan 31-dekabrine shekem ámel etetuǵın jańa tártibin tasıyıqladı, yaǵnıy, endigiden bılay bir puqaraǵa ajıratılatuǵın bank kartalarınıń sanı 20 ǵa shekem sheklenedi.
Atap ótiliwinshe, bul waqıtsha tártipke bola, endi bankler tárepinen bir puqaraǵa (bir FShJINǵa) emissiyalanatuǵın kartalar sanı bir bankte 5 ke shekem, barlıq banklerde bolsa 20 ǵa shekem sheklenedi.
Onda bul talap virtual hám kobeydjing kartaların da óz ishine aladı, biraq sırt el valyutasında ashılǵan kartalarǵa engizilmeydi.
Atap ótiliwinshe, bul «bank kartaları menen baylanıslı gúmanlı (frod) operaciyalardıń aldın alıw, aldawshılıq sxemalarında fizikalıq táreplerge tiyisli esapbetler hám bank kartaları qatnasıwın azaytıw maqsetleri» menen baylanıslı.
Bunnan tısqarı, Oraylıq bank kommerciyalıq banklerge fizikalıq táreptiń bank kartalarında (sonıń ishinde, virtual kartasında) 12 ay dawamında hesh qanday ámeliyat orınlanbaǵan bolsa, bul qartalardı bloklaw hám karta iyesine xabar beriw wazıypasın de júklegeni aytılmaqta.

Qaraqalpaqstan xabar agentigi