Ózbekstandaǵı bir qatar wálayatlarda, sonıń ishinde, Qaraqalpaqstan Respublikasınıń Nókis qalasında jámiyetlik transportlarda jol haqı kóbeytiliwi kútilmekte, dep jazadı Kun.uz saytı.

Bul haqqında Qaraqalpaqstan Respublikası Ministrler Keńesi tárepinen normativlik-huqıqıy hújjetler dodalanatuǵın saytına qoyǵan «Qalada jolawshılar transportında jolawshılar tasıw haqınıń jańa tarifin belgilew haqqında»ǵı qararı joybarında sóz etilgen.

Qarar joybarına muwapıq, qalalıq jolawshılar transportında jolawshılar tasıw xızmeti bir mártelik avtobusta jolawshılardı tasıw xızmetiniń tarifi 900 sum hám jónelisli taksilerde jolawshılardı tasıw xızmeti tarifi 1000 sum muǵdarında belgileniwi kózde tutılǵan.

Qaraqalpaqstan xabar agentligi