Innovaciyalıq joybarlardı ámelge asırıw hám keńse málimleme sistemaların jedel integraciyalasıwınıń shólkemlestiriw ilajları haqqındaǵı Prezident qararı qabıl etildi. Bul haqqında Prezident baspasóz xızmetiniń Telegramdaǵı kanalı málim etti.

Qarar tiykarında, 2018-jıldıń 1-noyabrine shekem sınaw tárizinde Tashkent qalasında tómendegi sistemalar iske túsiriledi:

– telefondaǵı sáwbetlesiwler qáwipsizligi hám qadaǵalawın támiyinleytuǵın húkimettiń mobil baylanıs sisteması;

– ámeldegi pasportlar, tuwılǵanlıǵı haqqındaǵı gúwalıqlar hám shaxstı tastıyıqlaytuǵın basqa gúwalıqlar (respublikanıń ishinde) sistemasınıń ornına birden-bir identifikaciyalıq nomer, onıń jeke maǵlıwmatları hám mámleketlik xızmetlerdi alıwda shaxstı anıqlaw ushın qollanılatuǵın basqa maǵlıwmatlar bolǵan identifikaciyalıq kartalar (ID-kartalar) sisteması;

– transport quralları ushın qaǵaz hújjetlerdi biykar etiw, barlıq tiyisli maǵlıwmatlardı avtomobil iyeleriniń ID-kartalarına kirgiziletuǵın, ámeldegi mámleketlik nomerlerdi xalıqaralıq úlgidegi nomerlerge almastırıwdı kózde tutatuǵın transport quralların esapqa alıw sisteması.

Qaraqalpaqstan xabar agentligi