Taqıyatas qalasında jasaytuǵın puqara B.Ernifetov tábiyǵıy gaz ushın tólemlerin óz waqtında ámelge asırıp kiyatırǵanlıǵına qaramastan búgingi kúnge kelip onıń xojalıǵına 159 mıń sumlıq qarızdarlıǵı bar ekeni tuwralı eskertiw xatı kelgen.
Usı jaǵdayǵa baylanıslı ol Ózbekstan Tutınıwshılardıń huqıqların qorǵaw jámiyetleri Federaciyasına múrájat etedi. Bul múrájat Xojeli rayonlıq tutınıwshılardıń huqıqların qorǵaw jámiyeti tárepinen úyrenip shıǵılıp, rayonlıq gaz támiynatı xızmetkerleri tárepinen onıń tólegen pulı esap betine keshiktirilip túsirgeni anıqlanǵan.
Usınday jaǵday Xojeli rayonındaǵı «Nayman» elatında jasaytuǵın S.Narbaevtıń xojalıǵında da boldı. Ol da gaz ushın tólemlerdi óz waqtında tólep kiyatırǵan bolsa da, búgingi kúnge kelip onıń xojalıǵına gazden qarızı 829 mıń sum, dep kórsetilgen eskertiw xatı kelgen.
Usı jaǵdayǵa baylanıslı ol da Ózbekstan Tutınıwshılardıń huqıqların qorǵaw jámiyetleri Federaciyasına múrájat etedi. Bul múrájat Xojeli rayonlıq tutınıwshılardıń huqıqların qorǵaw jámiyeti tárepinen úyrenip shıǵılıp, rayonlıq gaz támiynatı xızmetkerleri tárepinen onıń tólegen pulı esap betine keshiktirilip túsirilgeni anıqlanǵan. Solay etip, onıń qarızdar emes ekenligi anıqlanǵan.
Qaraqalpaqstan xabar agentligi.
(materiallar QR Tutınıwshılar huqıqların qorǵaw jámiyetleri Federaciyasınıń maǵlıwmatları tiykarında tayarlandı)