«2025-2027-jıllarda Ózbekstan Respublikasınıń sociallıq hám óndirislik infrastrukturasın rawajlandırıw ilajları haqqında»ǵı Prezident qararı qabıl etildi.
Qararǵa muwapıq, 2025-jıl 1-yanvardan, byudjet sistemasınıń byudjetleri esabınan obyektlerdi qurıw, rekonstrukciyalaw hám ońlaw jumısları boyınsha ótkerilgen mámleketlik satıp alıwlarǵa tiykarlanıp qurılıs múddeti úsh aydan kem bolǵan obyektlerge birinshi ayda obyekt bahasınıń 30 procenti muǵdarında avans qarjıları ajıratıladı, keyingi tólemler belgilengen tártipte qarjılandırıladı.
2026-jıl 1-yanvarǵa shekem sınaq túrinde, joybar-smeta hújjetleriniń bahası BEMnıń 6 mıń esesinen aslam bolǵan joybarlar (obyektler) boyınsha tómendegiler tárepinen ekspertizadan ótkeriledi:
– kólem, texnika hám smeta bólegi (baha bóleginen tısqarı) – «Qala qurılısı hújjetlerin ekspertizalaw respublikalıq orayı»DM tárepinen;
-tovar, jumıs hám xızmetleriniń baha bólegi – «Joybarlardı hám import kontraktların kompleksli ekspertizalaw orayı» MUK tárepinen;
-BEMniń 6 mıń esesine shekemgi joybarlar (obyektler) boyınsha qala qurılısı hújjetleri «Qala qurılısınıń hújjetlerin ekspertizalaw respublikalıq orayı» DM tárepinen.
2025-jıl 1-aprelge shekem qurılısı juwmaqlanǵan obyektlerdi paydalanıwǵa qabıl etiw processlerin tolıq sanlastırıw arqalı ashıq-aydın sistema engiziliwi támiyinlenedi.
2025-jıl 1-iyulge shekem úlgili hám qaytadan qollanılatuǵın joybar hújjetleri boyınsha elektron kataloglardıń jaratılıwı hám «Ashıq-aydın qurılıs» milliy málimleme sistemasına jaylastırılıwı támiyinlenedi.
ÓzA