Ózbekstan Respublikası Prezidenti Shavkat Mirziyoev hám Tajikstan Respublikası Prezidenti Emomali Raxman sóylesiwlerdi keyeytilgen quramda dawam etkizdi.
Onda rásmiy delegaciyalardıń aǵzaları, eki eldiń ministrlikleri hám iri kompaniyalardıń basshıları, shegaraaldı wálayatlardıń hákimleri qatnastı.
Ózbekstan qońsı mámleketler menen doslıq hám birge islesiwdi bekkemlewdi óziniń sırtqı siyasatanıń tiykarǵı baǵdarı sıpatında belgilegen. Shavkat Mirziyoevtiń siyasiy kúshliligi hám is-háreketleri sebepli azǵana múdette Oraylıq Aziya mámleketleri, atap aytqanda, Tájikstan menen qatnasıqlardaǵı áhmiyetli máseleler sheshildi.
Ózbekstae Respublikası hám Tájikstan Respublikası arasındaǵı mámleketlik shegarasınıń sızıǵın huqıqıy jaǵınan rásmiylestiriw boyınsha erisilgen kelisimler bul jóninde úlken áhmiyetke iye. Sapar dawamında usıǵan tiyisli shártnamanıń qol qoyılıwı tek ellerimiz hám xalqlarımız arasında emes, bálkim pútkil region turmısında tariyxıy waqıya boladı.
Puqaralardıń barıp-keliwi ushın otız kúnge shekem vizasız tártip engizilgen, shegaradan ótkeriw punktleri jumısınıń qayta tiklengeni, Tashkent hám Dushanbe arasındaǵı aviaqatnaw ashılǵanı da birge islesiwdiń áhmiyetli ámeliy nátiyjesi bolıp esaplanadı.
Sóylesiwde sawda-ekonomikalıq birge islesiwdi rawajlandırıw máselelerine ayrıqsha itibar qaratıldı. Óz-ara tovar almasıw kólemi ótken jılı 240 million dollardı quraǵanı atap ótildi.
Prezident Shavkat Mirziyoev tovar almasıwdı kóbeytiw hám onıń kólemin jaqın jıllarda 500 million dollarǵa jetkeriw ushın ele iske qosılmaǵan úlken potencial bar ekenligin atap ótti.
Eki eldiń bazarında qarıydartalap ónimlerdi jetkerip beriwdi kóbeytiw, sawda-logistika tarmaǵı boyınsha kelisimlerge erisildi.
Ózbekstan ellerimiz aymaqları hám jetekshi kárxanaları arasındaǵı kooperaciyanı keńeytiwden mápdar bolıp esaplanadı. Sóylesiwlerde awıl xojalıǵı texnikasın jıynaw, zamanagóy qurılıs materialları, tayar toqımashılıq, elektrotexnika hám azıq-awqat ónimlerin islep shıǵarıw boyınsha joybarlar usınıs etildi.
Transport hám tranzit tasıwları tarawı da birge islesiwdiń strategiyalıq jónelisi bolıp esaplanadı. Ózbekstan Prezidenti bu jónindegi óz-ara paydalı birge islesiwdi keńeytiw hám de temir jol arqalı júk tasıw kólemin arttırıw ushın birgelikte zárúr shárayatlar jaratıwǵa tayar ekenligin bildirdi.
Regionnıń suw resurslarınan aqılǵa muwapıq hám ádalatlı paydalanıw, sonday-aq, turizm, mádeniy-gumanitar hám basqa tarawlardaǵı birge islesiw máseleleri dodalandı.
Prezident Shavkat Mirziyoev Emomali Raxmanǵa ózi ushın qolay waqıtta Ózbekstanǵa mámleketlik sapar menen barıwın usınıs etti.
ÓzA