“Yangi O‘zbekiston” universitetiga 2023/2024 o‘quv yili uchun hujjatlar qabuli joriy yilning 28 iyul soat 17:00ga qadar davom etadi.

Abituriyentlar o‘z qiziqishidan kelib chiqib, bir qator yo‘nalishlarga hujjat topshirishlari mumkin. Kimyo va materialshunoslik muhandisligi, mexanika muhandisligi, elektronika va kompyuter muhandisligi, dasturiy ta’minot muhandisligi, kiberxavfsizlik, sun’iy intellekt va robototexnika, amaliy matematika, iqtisodiyot va ma’lumotlar tahlili, pedagogika, sanoat boshqaruvi kabi yo‘nalishlar shular jumlasidandir.

“Yangi O‘zbekiston” universitetiga imtihonlar 5 avgust kuni bo‘lib o‘tadi. O‘qishga ariza topshirish uchun https://newuu.uz/uz/admission/form havolasi orqali yoshlar o‘zlari haqidagi so‘ralgan barcha ma’lumotlarni to‘ldirishi kerak bo‘ladi.

O‘zA