Fransiyada davom etayotgan para yengil atletika bo‘yicha jahon chempionati atletlarimiz uchun muvaffaqiyatli o‘tmoqda.
Dunyo birinchiligining ayollar o‘rtasida kechgan F13 klassidagi nayza uloqtirish bahslarida Nozimaxon Qayumova hamda F57 klassidagi disk uloqtirishda Mohigul Hamdamova kumush medalga sazovor bo‘ldi. Erkaklar o‘rtasidagi F12 klassida yadro uloqtirish musobaqasida Elbek Sultonov bronza medal bilan taqdirlandi.
Xabaringiz bor, mazkur chempionat kelgusi yili Parij shahrida o‘tadigan yozgi Paralimpiya o‘yinlariga to‘g‘ridan-to‘g‘ri litsenziya beradi. Shu tariqa, yuqoridagi uch para atletlarimiz ham to‘rt yillikning eng muhim sport tadbiri bo‘lgan Paralimpiya o‘yinlariga yo‘llanma oldi.
Jahon chempionati davom etmoqda.
Javohir Toshxo‘jayev,
O‘zA muxbiri