Microsoft kompaniyasi asoschisi Bill Geyts Avstraliyaning Rumin8 startapini qo‘llab-quvvatlash uchun 12 million dollar investitsiya kiritadi, deb yozmoqda Bloomberg agentligi.
Bill Geytsning Breakthrough Energy Ventures Venchur jamg‘armasi loyihani moliyalashtirishning ikkinchi davrasida 12 million dollar investitsiyasi bilan ishtirok etmoqda. Avstraliya kompaniyasi uy hayvonlari ozuqasiga sintetik qayta ishlangan bromoforma qo‘shimchalarini yaratish bilan shug‘ullanadi. Mazkur faol ingrediyent qizil suv o‘tlarida uchraydi.
Breakthrough Energy loyihasiga Geytsdan tashqari, yana bir qator yirik tadbirkorlar ham qo‘shilgan, masalan, Amazon kompaniyasi asoschisi Jeff Bezos va Nyu-Yorkning sobiq meri Maykl Blumberg ham mablag‘ ajratgan, deyiladi xabarda.