Real jangovar sharoitga yaqinlashtirilgan mashqlar davomida shartli dushman tomonidan amalga oshirilishi mumkin boʻlgan ehtimoliy harakatlar inobatga olinib, ularga qarshi hujumlar uyushtirildi.

“Shaxsiy tarkibining mashgʻulotlari qurolli toʻqnashuvlarning oʻzgarib borayotgan yoʻnalishlarini hisobga olgan holda tashkillashtirilmoqda. Chuqur izlanishlar natijasida mutaxassisliklar tarkibi, harbiy fanlarni oʻqitishning metod va texnologiyalari hamda oʻquv dasturlari doimiy tarzda yangilanyapti”, — deydi mutaxassis ofitser Shavkat Normirzayev.

Harbiy xizmatchilar taktik oʻquvlarda shaxsiy tarkibning yashovchanligini oshirish, topshiriqlarni minimal yoʻqotishlar bilan bajarish, qurol-yarogʻ va harbiy texnikani mohirona qoʻllash usullarini takomillashtirish boʻyicha oʻquv topshiriqlarni bajardilar.

Bu kabi mashgʻulotlar Oʻzbekistonning oʻtish qiyin boʻlgan togʻli va choʻl hududlarida jangovar vazifalarni bajarish, belgilangan hududlarni tezkorlik bilan bosib oʻtish va qisqa vaqt ichida jangovar qobiliyatni tiklash borasida muntazam tashkil etib kelinmoqda.

Mudofaa vazirligi matbuot xizmati