Raqamli texnologiyalar vaziri Sherzod Shermatov O‘zbekiston Respublikasi Prezidentining iqtisodiyotni rivojlantirish, samarali davlat boshqaruvi va xalqaro hamkorlik masalalari bo‘yicha maslahatchisi S.Chakrabarti devonining yuridik maslahatchisi Mari-Anne Birken bilan uchrashuv o‘tkazdi.
Uchrashuv avvalida IT-Park O‘zbekistan faoliyati bo‘yicha taqdimot o‘tkazildi hamda Yagona integrator – UZINFOCOM faoliyati bilan tanishtirildi.
Uchrashuv davomida tomonlar islohotlar dasturini uzoq muddatga davom ettirishning strategik yo‘nalishlari, mamlakatda raqamlashtirish sohasida amalga oshirilayotgan ishlar, sohada kadrlar salohiyatini oshirish, mamlakatda investitsiya muhitiga oid malalalarni muhokama qildi.
Shuningdek, O‘zbekiston Prezidenti tomonidan mamlakatni mintaqaviy IT xabga aylantirish bo‘yicha berilgan topshiriqlar ijrosini ta’minlash bo‘yicha tizimli ishlar amalga oshirilayotgani aytib o‘tildi.
N.Rahmonova,
O‘zA