2023 yilning eng yaxshi sportchisi, deya e’tirof etilgan bokschimiz Abdumalik Xalakovning navbatdagi jangini qachon o‘tkazishi ma’lum bo‘ldi.
Toshkentda boks bo‘yicha o‘tgan tarixiy jahon chempionati oltin medal sohibi, Xonchjouda tashkil etilgan 19-Osiyo o‘yinlari g‘olibligiga erishgan holda Parij-2024 Olimpiadasining yo‘llanmasini qo‘lga kiritgan Xalakov navbatdagi jangini kelayotgan yilning fevral oyida o‘tkazadi.
Bu haqda Abdumalik Xalakov jurnalistlarga bergan intervyusida gapirib o‘tdi. Uning ta’kidlashicha, navbatdagi jangi professional boksda emas, Xalqaro boks assotsiatsiyasi tizimidagi “Chempionlar oqshomi” musobaqasida bo‘lib o‘tadi.
T. Ro‘ziyev, O‘zA