Өзбекстан Республикасы Президентиниң пәрманы
Бүгинги күнде жаңа Өзбекстан жасларына ҳәр тәреплеме итибар ҳәм ғамқорлық көрсетиў мәмлекетимизде алып барылып атырған мәмлекетлик сиясаттың ең әҳмийетли ҳәм тийкарғы бағдарына айланбақта. Физикалық ҳәм руўхый жақтан бәркамал әўладты тәрбиялап камалға келтириўдей улыўма миллий мақсетти әмелге асырыў ушын мәмлекетимиз ҳәм жәмийетимиздиң барлық күш ҳәм имканиятлары жумсалмақта.
Бул процессте өз тәғдири ҳәм келешегин Ўатанымыз тәғдири ҳәм келешеги менен тығыз байланыслы ҳалда көретуғын, усы жолда ҳәр қандай сынақ ҳәм машақатларды жеңип өтиўге, мәртлик көрсетиўге таяр болған, заманагөй билим ҳәм кәсип өнерлерди терең ийелеген ул-қызларымыздың қатары барған сайын кеңейип атырғанын айрықша атап өтиў керек.
Өзиниң дөретиўшилик ҳәм интеллектуаллық потенциалы, таңлаған кәсип бағдары ҳәм социаллық турмыста ерискен әҳмийетли нәтийжелери менен түрли тараўларда елимиздиң раўажланыўына, оның халықаралық абырай-мәртебесин арттырыўға мүнәсип үлес қосып атырған, заманласларына өрнек ҳәм үлги болып киятырған белсенди және жетекши жасларымызды қоллап-қуўатлаў ҳәм хошаметлеў мақсетинде төмендегилер мәмлекетлик сыйлықлар менен сыйлықлансын:
Қарақалпақстан Республикасы бойынша:
«Дўстлик» ордени менен
Данияров Абатбай Сапарбаевич – Өзбекстан Республикасы Жаслар ислери агентлиги Қарақалпақстан Республикасы басқармасының баслығы
«Келажак бунёдкори» медалы менен
Төремуратов Низаматдин Бегдиярович – Өзбекстан Республикасы Жаслар ислери агентлигиниң Бозатаў районы бөлиминиң баслығы
«Шуҳрат» медалы менен
Балтабаева Наргиза Бахадировна – Қарақалпақ мәмлекетлик университетиниң 1-курс магистранты
Бердимуратов Жалғасбай Қарлыбай улы – Грек-рим гүреси бойынша Өзбекстан миллий сайланды командасының ағзасы
Дайыбекова Зайнаб Казбековна – Қылышласыў бойынша Өзбекстан миллий сайланды командасының ағзасы
Реимбаева Саиёра – Қоңырат районындағы 39-улыўма орта билим бериў мектебиниң информатика пәни муғаллими
Өзбекстан Республикасы
Президенти Ш.МИРЗИЁЕВ
Ташкент қаласы,
2021-жыл 29-июнь.