Усы жыл 17-20-март күнлери аралығында Нөкистеги республикалық ойын түрлери ҳәм жеңил атлетика бойынша қәнигелестирилген балалар ҳәм жас өспиримлер спорт мектебинде «Жасларды қоллап-қуўатлаў ҳәм халықтың саламатлығын беккемлеў жылы»на бағышлап спорттың теннис түри бойынша 2007-2008-2009-2010-жыллары туўылған ер балалар ҳәм қызлар арасында Нөкис қалалық Мәмлекетлик салық инспекциясының кубоги ушын жарыс өткерилди.
Төрт күн даўам еткен кубок ойыны қызғын беллесиўлерге бай болды. Жарыс жуўмағында жас қатегориясына қарап, ер балалар арасында Султан Зәрипбаев, Әжинияз Акимов, Айдос Муратбаевлар бириншиликти ийлеген болса, қызлар арасында Тумарис Дүйсенбаева, Айзада Махаматдинова, Азиза Рахметовалар жеңимпаз болып шөлкемлестириўшилер тәрепинен таярланған кубок ҳәм естелик саўғалары менен сыйлықланды.
Т.СЕЙТНАЗАРОВА,
Қарақалпақстан хабар агентлигиниң шолыўшысы