Өзбекстан Республикасы Президентиниң
пәрманы
Туўысқан Өзбекстан ҳәм Тәжикстан халықлары арасындағы көп әсирлик дослық ҳәм жақсы қоңсышылық қатнасықларын беккемлеўге қосқан үлкен үлеси, мәдений-гуманитарлық байланысларды кеңейтиў, уқсас тарийхый мийрас, мәнаўий қәдрият ҳәм дәстүрлерди қәстерлеп сақлаў ҳәм байытыў бағдарындағы белсене ҳәм нәтийжели жумысы, еллеримиз арасында өз-ара пайдалы саўда-экономикалық бирге ислесиўдеги және көп тәреплеме стратегиялық шерикликти раўажландырыўдағы хызметлери ушын төмендегилер орденлер ҳәм ҳүрметли атақлар менен сыйлықлансын:
«Фидокорона хизматлари учун» ордени менен
Қоҳир Расулзода – Тәжикстан Республикасы Бас министри
Сирожиддин Муҳриддин – Тәжикстан Республикасы Сыртқы ислер министри
«Меҳнат шуҳрати» ордени менен
Низом Қосим – Тәжикстан Республикасы Жазыўшылар аўқамының баслығы
Ташпулат Гулмуродов – Тәжикстан Республикасы Денсаўлықты сақлаў тараўы хызметкерлериниң маманлығын арттырыў институтының кардиохирургиялық кафедрасының баслығы
«Дўстлик» ордени менен
Али Муҳаммадиев – Тәжикстан Республикасы Илимлер академиясы Қол жазбалар мийрасы қорының бөлим баслығы
Ифтихор Ширинджонович Джураев – Тәжикстан Республикасы Геодезия ҳәм жер басқарыўы мәмлекетлик комитетиниң шегараларды делимитациялаў ҳәм демаркациялаў мәмлекетлик геодезия қадағалаў инспекциясының басқарма баслығы
Рахим Марупов – Тәжикстан Республикасы Илимлер академиясының С.Умаров атындағы физика ҳәм техника институтының бас хызметкери
Ҳасан Бердиқулов – Тәжикстан Республикасы Жазыўшылар аўқамының ағзасы
«Өзбекстан Республикасы халық артисти» ҳүрметли атағы менен
Адҳам Холиқов – «С.Айний атындағы опера ҳәм балет академиялық театры» мәмлекетлик мәкемесиниң көркемлик жақтан басшысы
Давлат Холов – Тәжикстан Республикасы ҳүкимети жанындағы Телевидение ҳәм радио комитетиниң «Фалак» мәмлекетлик ансамблиниң көркемлик жақтан басшысы
Өзбекстан Республикасы
Президенти Ш.МИРЗИЁЕВ
Ташкент қаласы,
2018-жыл 29-август