Байрам қарсаңында Қарақалпақстан Республикасы Жоқарғы Кеңесиниң Баслығы А.Орынбаев “Имкан” реабилитация орайына ийе болған мектепке шекемги билимлендириў шөлкеминде болып, усы жерде тәрбияланып атырған балаларды жаңа жыл байрамы менен қутлықлады.
Ҳәр бир наўқаслығы бар бала усы жерден шыпа таўып, әпиўайы турмысқа көнлигип кетиўин тиледи. Сондай-ақ, балаларға байрам кейпиятын бағышлаў мақсетинде жаңа жыл саўғалары тапсырылды.
Орайда шөлкемлестирилген жаңа жыл байрамында балалар менен бирге қосықлар, жақсы тилеклер айтылды. Байрам кешеси жаңа жыл шыршасы әтирапында түрли ойын-заўықлар менен даўам етти.
Қарақалпақстан хабар агентлиги