Өзбекстанлы Лазизбек Мулложонов қазақстанлы аўыр салмақтағы боксши Нурсултон Аманжолов пенен беллесиўге шығыў алдынан бүгинги күнниң ең күшли боксшиси жәҳән чемпионы Александр Усик пенен спарринг өткерди.
Бул туўралы Лазизбек социаллық тармақтағы бетлеринде жәриялады.
«ИншаАллаҳ беллесиўге таярмыз», – деп жазды ол сүўрет астына. Соны айтып өтиўимиз керек, Лазизбек Мулложонов қазақстанлы аўыр салмақтағы боксши Нурсултон Аманжолов пенен усы жылы 26-август күни Польшаның Вроцлав қаласында профессионал бокстеги өзиниң гезектеги ушырасыўын өткереди.
Ал, усы күни болатуғын орайлық беллесиўде жәҳән чемпионы Александр Усик өз белбеўин Даниэль Дюбуадан қорғайды.
Адилбай Оразов,
Қарақалпақстан хабар агентлиги шолыўшысы