17-19-август күнлери Ташкент қаласының «Жар» саламатландырыў спорт комплексинде 17 жасқа шекемги балалар ҳәм қызлар арасында спорттың волейбол түри бойынша «Ишки ислер министри кубоги» жарысы өткерилди.
Оған елимиздиң барлық аймақларынан кубоктиң аймақлық басқышында жеңимпаз болған командалар қатнасты.
Онда Қарақалпақстан Республикасының 17 жасқа шекемги ер балалар командасы барлық қарсыласларынан жеңип шығып, 1-орынды ийелеўге миясар болды.
Жарыс соңында жеңимпаз командалар Өзбекстан Республикасы Ишки ислер министри кубоги, арнаўлы диплом ҳәм қымбат баҳалы саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы