Өзбекстан Республикасы Президентиниң 2021-жыл 14-январьдағы «Шахматты және де раўажландырыў ҳәм ғалаба ен жайдырыў және шахматшыларды таярлаў системасын жетилистириў илажлары ҳаққында»ғы қарарына муўапық, Қарақалпақстан Республикасы Мектепке шекемги ҳәм мектеп билимлендириўи министрлигине қараслы мектепке шекемги билимлендириў шөлкемлери тәрбияланыўшылары арасында Республикалық шахмат спорт жарысы өткерилди.
Тәрбияланыўшылар арасында өткерилген жарыс жуўмағында ул балалар арасынан Қоңырат районы 1-санлы мектепке шекемги билимлендириў шөлкеминиң тәрбияланыўшысы Рамазан Жумабаев, қыз балалар арасынан Тақыятас районы 9-санлы мектепке шекемги билимлендириў шөлкеми тәрбияланыўшысы Зарина Константинова биринши орынды ийелеп, Өзбекстан Республикасы басқышына жоллама алды.
Қарақалпақстан Республикасы Мектепке шекемги ҳәм мектеп билимлендириўи министрлиги тәрепинен жеңимпазлар баҳалы саўғалар ҳәм дипломлар менен сыйлықланды. Қалған барлық қатнасыўшыларға да саўғалар менен ҳүрмет жарлықлары тапсырылды.
Қарақалпақстан хабар агентлиги