Европаның көпшилик футбол чемпионатларында 2022/23-жылғы мәўсим ойынлары жуўмақланып, Европа чемпионлар лигасының  2023/24-жылғы топар басқышына тиккелей жоллама алған 24 команданың аты мәлим болды.

Ал, қалған 6 команда болса таңлап алыў басқышы арқалы анықланады. Атап айтқанда,  Англиядан “Манчестер Сити”, “Арсенал”, “Манчестер Юнайтед”, “Ньюкасл”,  Испаниядан “Барселона”, “Реал Мадрид”, “Атлетико”, “Реал Сосьедад”, “Севилья”  (Европа лигасы жеңимпазы), Италиядан “Наполи”, “Лацио”, “Интер”, “Милан”, Германиядан “Бавария”, “Боруссия Д”, “Лейпциг”, “Унион”, Франциядан “ПСЖ”, “Ланс”, Португалиядан “Бенфика” ҳәм “Порту”, Нидерландиядан  “Фейеноорд”, Австриядан  “Зальцбург”, Шотландиядан  “Селтик”, Сербиядан “Црвена Звезда”, Украинадан  “Шахтёр”  клублары қатнасады.

Чемпионлар лигасының таңлап алыў ойынлары 13-июньнан 7- августқа шекем болып өтеди. Жарысқа 31-август күни шек тасланып, турнирге  19-сентябрь күни старт бериледи. Финал ойыны болса, 2024-жылдың 1-июнь күни Лондондағы “Уэмбли” стадионында болып өтеди.

А.Оразов,

Қарақалпақстан хабар агентлиги жетекши шолыўшысы