Өзбекстан Республикасы Мәмлекетлик қәўипсизлик хызмети менен Өзбекстан Республикасы Жаслар сиясаты ҳәм спорт министрлиги саламат турмыс тәризин үгит-нәсиятлаў, жаслар арасында футболды ғалаба ен жайдырыў, сондай-ақ, олардың арасында қәбилетлилерди анықлаў ҳәм қоллап-қуўатлаў мақсетинде футбол ҳәм мини-футбол бойынша дәстүрий Мәмлекетлик қәўипсизлик хызмети кубогиниң старт алғанын жәриялады.
Турнирдиң жаңалығы быйыл мини-футбол бойынша қызлар арасында да жарыслар өткериледи.
1-басқыш. Районлық сайлап алыў жарыслары усы жылдың апрель-май айларында;
2-басқыш. Қарақалпақстан Республикасы, Ташкент қаласы ҳәм ўәлаятлар бойынша сайлап алыў жарыслары июнь-июль айларында;
3-басқыш. Республика бойынша финаль жарыслары август айында өткериледи.
16-30 жасқа шекемги футболды жақсы көретуғын жаслар жарысларында қатнасыўы мүмкин.
Жарыслар 10-апрельден басланады.
Шеригимиз – Өзбекстан Футбол Ассоциациясы.
Қарақалпақстан хабар агентлиги