Әжинияз атындағы Нөкис мәмлекетлик педагогикалық институтында 8-март – Халықаралық ҳаял-қызлар күни байрамы мүнәсибети менен, сондай-ақ, ҳаял-қызлар арасында спортты, саламат турмыс тәризин кең ен жайдырыў мақсетинде бир қатар илажлар шөлкемлестирилмекте.
Усы мүнәсибет пенен ҳаял-қызлардан ибарат профессор-оқытыўшылар арасында волейбол бойынша жарыс болып өтти.
Институт ректорының ҳаял-қызлар мәселелери бойынша мәсләҳәтшиси С.Бекчанованың басламасы менен спорт клубы ҳәм кәсиплик аўқамы комитети тәрепинен өткерилген жарысқа ҳәр бир факультеттен командалар қатнасып, жеңимпазлық ушын өз-ара күш сынасты.
Оғада қызғын беллесиўлерге бай болған жарыста институттың Дене мәденияты факультети командасы 1-орынды ийеледи. 2-орын Мектепке шекемги тәлим факультети, ал 3-орын Сыртқы бөлим командаларына несип етти.
Жарыс жуўмағында жеңимпазлар, сыйлы орын ийелери ҳәм белсене қатнасқан ҳаял-қызларға диплом және байрам саўғалары тапсырылды.
Институтта Халықаралық ҳаял-қызлар күни байрамына арналған илажлар даўам етпекте.
Қарақалпақстан хабар агентлиги