O’zLiDeP Қарақалпақстан Республикасы Кеңеси, қалалық ҳәм районлық Кеңеслериниң басламасы менен 8-март – халықаралық Ҳаял-қызлар байрамы мүнәсибети менен түрли руўхый-ағартыўшылық илажлары , спорт жарыслары өткерилмекте.
Байрам алдынан O’zLiDeP Кегейли районлық Кеңеси, районлық Шаңарақ ҳәм ҳаял-қызлар бөлими менен биргеликте кәрхана, мәкеме ҳәм оқыў орынларында жумыс алып барып атырған ҳаял-қызлар арасында “Зәкаўат” интеллектуаллық ойыны шөлкемлестирилди. Буннан гөзленген мақсет, ҳаял-қызлардың ҳуқықый ҳәм сиёсий билимин буннан былай да арттырыў, билимли ҳәм шаққан қызларды анықлаў, оларды партия қатарына тартыў ҳәм ҳәр тәреплеме қоллап-қуўатлаўдан ибарат.
Жарыста 20 команда қатнасты. Оның жуўмағында биринши орынды райондағы 1-санлы улыўма билим бериў мектеби, екинши орынды 41-санлы улыўма билим бериў мектеби, үшинши орынды 9-санлы улыўма билим бериў мектебиниң командалары ийеледи.
Жарыс жеңимпазлары ҳәм белсене қатнасқанлар шөлкемлестириўшилер тәрепинен Ҳүрмет жарлығы, алғыснама ҳәм естелик саўғалары менен сыйлықланды.
Қарақалпақстан хабар агентлиги