Кеше республикамыздың бир қатар аймақларында болғаны сыяқлы Хожели районында да жаңадан шөлкемлестирилип атырған мәкан пуқаралар жыйынлары баслығы лаўазымына сайлаўлар өткерилди.
Атап айтатуғын болсақ, районлық Халық билимлендириў бөлимине қараслы 14-санлы улыўма орта билим бериў мектебинде Мустақиллиқ аўыл пуқаралар жыйынынан бөлинип шыққан, Сабик мәкан пуқаралар жыйыны баслығы лаўазымына өткерилген сайлаўда Дәўлетбай Арзиев сайлаўшылар арасында ең көп даўыс топлап, жыйын баслығы етип сайланды.
Сондай-ақ, усы күни Саманкөл аўыл пуқаралар жыйынынан бөлинип, жаңадан шөлкемлестирилген Бағман аўыл пукаралары жыйыны баслығы (ақсақал) лаўазымына сайлаў болып өтти.
Белгиленген нызам талапларына тийкарланып өткерилген бул сайлаў жуўмағында Батыр Сейдаметов Бағман мәкан пуқаралар жыйыны баслығы лаўазымына сайланды.
Адилбай Оразов,
Қарақалпақстан хабар агентлиги шолыўшысы