13-ноябрь дүнья жүзинде «Ақ ҳасалылар» ямаса көзи әззилер күни сыпатында белгиленеди.
Нөкис қаласындағы Республикалық көзи ǝззилер китапханасында усы сәне мүнәсибети менен байрам кешеси өткерилди.
Илажда елимизде ҳеш ким итибардан шетте қалмайтуғыны, физикалық мүмкиншилиги шекленген инсанларды, соның ишинде, көзи әззилерди қоллап-қуўатлаў, мийнет пенен тәмийинлеў, оларды социаллық жақтан ҳәр тәреплеме қорғап, жәмийетте өз орнын табыўы ушын мүмкиншиликлер жаратып бериў бойынша мәмлекетимизде әмелге асырылып атырған жумыслар туўралы мағлыўматлар берилди.
Ҳәзирги күнде көзи әззилер де пайдалы мийнет пенен шуғылланып, жәмийетке араласып, елимиздиң раўажланыўында өзлериниң мүнәсип үлеслерин қосып келмекте.
Қаншадан-қанша көзи әззи жасларымыз жоқары оқыў орынларын табыслы питкерип, өзи таңлаған кәсип ийелери болып жетилиспекте.
Илажда партияның Қарақалпақстан Республикалық Кеңеси тәрепинен китапхана фондына Президентимиздиң «Жаңа Өзбекстан стратегиясы» китабы саўға етилди.
Қарақалпақстан хабар агентлиги