Бир қатар рәсмий мағлыўматларға қарағанда Екинши Жер жүзилик урыс жылларында Қарақалпақстаннан 63 мыӊнан аслам жаўынгерлер фронтқа атланып, солардан 34 мыӊнан асламы саўаш майданларын қазаланды. 20 мыӊнан аслам жерлеслеримиз болса, ҳәр қыйлы дәрежедеги орден ҳәм медаллар менен сыйлықланып, соныӊ 20 сы Советлер Аўқамыныӊ қаҳарманы атағына ийе болды ҳәм 6 жаўынгер «Даӊқ» ордениниӊ толық кавалерине айланды.
Қараөзек районы ҳәкимлиги тәрепинен Екинши Жер жүзилик урыс жылларында усындай қаҳарманлық көрсеткен мәрт аталарымыздыӊ исмлерин мәӊгилестириў мақсетинде, район орайындағы “Халықлар дослығы” бағына қараөзекли Советлер Аўқамыныӊ қаҳарманлары Мақаш Балмағамбетов, Жуман Қарақулов ҳәм Даңқ ордениниң толық кавалери Тилеўмурат Өтемуратовларға естелик-бюсти орнатылды.
Адилбай Оразов,
Қарақалпақстан хабар агентлиги шолыўшысы