Өзбекстан Республикасы Президентиниң пәрманы
Мәмлекетимиздиң экономикалық потенциалын жоқарылатыў, оның дүнья көлеминдеги абырайын арттырыў, Ўатанымыздың абатлығы, турмысымыздың абаданлығын тәмийинлеў бағдарындағы үлкен хызметлери, кейинги жыллары Жаңа Өзбекстанда жеделлик пенен алып барылып атырған түпкиликли реформалар процесиндеги интакерлиги, мәмлекет ҳәм халық мәплери жолындағы пидәкерлик мийнети, өндирислик ҳәм жәмийетлик-руўхый тараўлардағы көп жыллық нәтийжели ҳәм үлгили жумысы, жасларымызды ўатансүйиўшилик, миллий ҳәм улыўмаинсаныйлық қәдириятларға ҳүрмет руўхында тәрбиялаўға қосқан үлкен үлеси және жәмийетлик турмысқа белсене қатнасқаны ушын төмендегилерге «Өзбекстан Қаҳарманы» атағы берилип, жоқары белги – «Алтын жулдыз» медалы тапсырылсын:
Аҳмедов Муҳаммад Исматович – Бухара районындағы «Маданият Муҳаммад Исмат» фермер хожалығының баслығы
Аюпов Шавкат Абдуллаевич – Өзбекстан Республикасы Илимлер академиясының Математика институты директоры
Ғафуров Ибраҳим Усманович – Өзбекстан Жазыўшылар аўқамының ағзасы, әдебияттаныўшы илимпаз
Йўлчиева Муножатхон Абдувалиевна – Өзбекстан мәмлекетлик консерваториясы дәстүрий атқарыўшылық кафедрасының баслығы
Өзбекстан Республикасы
Президенти Ш.МИРЗИЁЕВ
Ташкент қаласы,
2021-жыл 24-август