Усы жылдың 4-11-сентябрь күнлери Ҳиндстанның Дели қаласында шахмат бойынша 6 жастан 20 жасқа шекемги шахматшылар арасында Батыс Азия чемпионаты болып өтти.
Жарыс қатнасыўшылары стандарт, рапид ҳәм блиц бағдарлары бойынша беллести.
Өзбекстан шахмат федерациясы баспасөз хызметиниң хабар бериўинше, жарысқа мәмлекетимизден 11 шахматшы қатнасқан.
Шахмат бойынша Өзбекстан сайланды командасы 10 мәмлекеттиң арасында мүнәсип қатнасып 3 алтын, 1 гүмис, 4 бронза жәми 8 медальды қолға киргизип, командалық есапта екинши орынды ийеледи.
20 жастағылар арасында Абдусалимов Абдумалик стандарт, 18 жастағылар арасында Абдураҳмонов Муҳаммадали рапид, 14 жасқа шекемгилер арасында Шарипов Даврон блиц бағдарларында чемпионлық атағына еристи.
Сондай-ақ, 14 жастағылар арасында Бобомуродова Мафтуна гүмис, 8 жаслылар арасында Убайдуллаев Муҳаммадисо блиц, 20 жастағылар арасында Абдусалимов Абдумалик блиц, 20 жастағылар арасында Абдусаттарова Баҳора стандарт ҳәм блиц бағдарларында бронза медальларын қолға киргизди.
Қарақалпақстан хабар агентлиги