Абдулла Қәдирийдиң “Өткен күнлер” романын инглис тилине аўдарма ислеген АҚШлы Марк Рис Uza.uz сайтының мийманы болды. Марк Рис бир неше жыллардан бери “Өткен күнлер ” романын аўдарма ислеў менен шуғылланады. Оның айтыўынша шығарманың аўдармасы жуўмақланған. Ол ҳәзирде “Өткен күнлер”диң электрон китабын таярлаў менен шуғылланбақта.
Марктың айтыўынша электрон китапта дөретпениң видео көринислери ҳәм қосымша түсиниклер киргизилиўи күтилмекте. Китап келеси жылдың апрель айына шекем баспадан шығарылады. “Өткен күнлер” романының инглис тилиндеги аўдармасы АҚШтың Нью-Йорк ҳәмде Вашингтон штатлары метро ҳәм көшелеринде реклама етиледи.
З.Абубакирова,
ҚМУ журналистика қәнигелигиниӊ 4-курс студенти