«Медицина хызметкерлери күни» мүнәсибети менен байрам илажы Нөкис районында да болып өтти.
Онда, район ҳәкими З.Зайтов шығып сөйлеп, тараў пидайыларын байрам мүнәсибети менен қызғын қутлықлап, соңғы жылларда Президентимиз тәрепинен тараўға байланыслы бир қатар пәрман ҳәм қарарлар қабыл етилгенлиги нәтийжесинде заманагөй медициналық мәкемелер қурылып, тараўдың материаллық-техникалық базасы беккемленип атырғанлығын атап өтти.
Ҳақыйқатында да бул бағдарда тараў хызметкерлери ушын көплеген имканиятлар жаратылып, халқымыз саламатлығын беккемлеў, медициналық хызмет көрсетиў сапа жағынан жаңа басқышқа алып шығылмақта.
Өткерилген байрам салтанатында пидайылық пенен жемисли мийнет етип атырған медицина тараўы хызметкерлерине Ҳүрмет жарлығы ҳәм естелик саўғалары тапсырылды.
Байрам салтанаты көркем-өнер ҳәм мәденият хызметкерлери тәрепинен таярланған концерт бағдарламасы менен даўам етти.
Қарақалпақстан хабар агентлиги