Бәршемизге мәлим, елимизде ҳәр жылы ноябрь айының екинши екшембиси шыпакерлердиң кәсиплик байрамы сыпатында белгиленип келинбекте.
Қоңырат районындағы пайызлы орынлардың биринде медицина хызметкерлери ушын байрам илажы шөлкемлестирилди.
Оған тараўда жемисли мийнет етип киятырған шыпакерлер, мийирбийкелер ҳәм тараў ветеранлары қатнасты.
Байрам илажы даўамында халықтың саламатлығы жолында пидайы мийнет етип, районда медицина тараўының раўажланыўына үлес қосқан бир топар тараў хызметкерлерине, сондай-ақ, көп жыллар даўамында өз өмирин ел-журт саламатлығын сақлаўдай оғада жуўапкершиликли ҳәм мақтанышлы иске бағышлаған ҳәм ҳәзир напақада болған шыпакерлерге район ҳәкиминиң ҳүрмет жарлықлары ҳәм саўғалары тапсырылды.
Байрам илажы районлық мәденият бөлими хызметкерлериниң концерт бағдарламасы менен даўам етти.
Қарақалпақстан хабар агентлиги