9-Май-Еслеў ҳәм қәдирлеў күни алдынан Өзбекстан Халық демократиялық партиясы тәрепинен усы системада жемисли мийнет еткен жасы үлкен нураний, партияның «Нураныйлар» кеңеси ағзасы ҳәм белсендиси Қ. Досназаровтың шаңарағында болып, ҳал-жағдайынан хабар алды.
Ушырасыўда Қ. Досназаровтың узақ жыллар даўамында ислеген хызметлери баҳаланып, ӨзХДП орайлық кеңеси баслығының Ҳүрмет жарлығы ҳәм естелик саўғасы тапсырылды.
Сондай-ақ, илаж даўамында Халық депутатлары районлық кеңес депутаты Б. Пиримбетованың депутатлық сораўының жуўабын әмелге асырыў мақсетинде, А. Досназаров АПЖ турғыны 1939-жылы туўылған Рзамбетова Улзипа апаға ҳаса таяқ пенен майыплар арбашасы апарып берилди.
Усылар менен бир қатарда ӨзХДП Республикалық кеңеси ҳәм Қараөзек районлық кеңеси тәрепинен аймақтағы 20-санлы шаңарақлық поликлиникада «Саламат ана-саламат шаңарақ» атамасында илаж өткерилип, онда аймақтағы ҳаял-қызлар медициналық тексериўден өткерилди ҳәм кесиллиги анықланған ҳаял-қызлар бийпул дәри-дәрмақлар менен тәмийинленди.
Адилбай Оразов,
Қарақалпақстан хабар агентлиги