Төрткүл районындағы Мектепке шекемги ҳәм мектеп билимлендириўи бөлимине қараслы улыўма билим бериў мектеплериниӊ оқыўшылары арасында “Жас қутқарыўшы” әскерий-спорт жарысыныӊ районлық басқышы болып өтти.
“Жас қутқарыўшылар” кеўиллилер клублары командаларыныӊ арасында өткерилген жарысқа “Ўатан таянышы” отядыныӊ ағзалары да қатнасты.
Жарыс жуўмағында 13-санлы улыўма билим бериў мектеби биринши, 40-санлы улыўма билим бериў мектеби екинши, 8-санлы улыўма билим бериў мектеби командасы үшинши орынларды ийеледи. Сондай-ақ, 69-санлы улыўма билим бериў мектебиниӊ командасы номинация жеӊимпазы болды.
Сыйлы орын ийелерине шөлкемлестириўшилер тәрепинен диплом ҳәм естелик саўғалары тапсырылды.
Жеӊимпаз команда Қарақалпақстан Республикасы басқышына жоллама алды.
Қарақалпақстан хабар агентлиги