2023-жылдың биринши шереги даўамында дəслепки ислеп шығарылған аўыл, тоғай ҳәм балықшылық хожалығы өнимлери (хызмет)ниң улыўма көлеми 1 триллион 508,1 млрд. сумды, яғный өткен жылдың усы дәўирине салыстырғанда 103,6 процентти қураған.
Соннан дийқаншылық ҳәм шарўашылық, аңшылық ҳәм усы тараўларда көрсетилген хызметлердиң көлеми 1 триллион 358,0, тоғай хожалықлары 133,4 ҳәм балықшылық хожалықлары 16,6 млрд. сумды қурады. Өзбекстан Республикасының аўыл, тоғай ҳәм балықшылық хожалығы өнимлеринде Қарақалпақстан Республикасыныӊ үлеси 3,3 процентти қурамақта.
Дийқаншылық өнимлеринде 2024-жылдың январь-март айларында жетистирилген дийқаншылық өнимлериниң көлеми 110,6 млрд. сумды ямаса 2023-жылдың усы дәўирине салыстырғанда 105,0 процентти қурады. Ислеп шығарылған аўыл хожалығы өнимлериниӊ улыўма көлеминде дийқаншылық өнимлериниӊ үлеси 8,3 % процентти қурады.
– 2024-жылдың январь-март айларында барлық түрдеги хожалықлар тәрепинен 276 тонна овощ өнимлери (111,7 %) жетистирилди,-дейди Қарақалпақстан Республикасы статистика басқармасы аўыл хожалығы ҳәм экология статистикасы бөлиминиң баслығы Нурислам Мадреймов.
2024-жылдыӊ биринши шерегинде шарўашылық өнимлериниӊ өндирислик көлеми 1 трил. 219,4 млрд. сумды ямаса өткен жылға салыстырғанда 103,4 процентти. Ислеп шығарылған аўыл хожалығы өнимлериниӊ улыўма көлеминде шарўашылық өнимлериниӊ үлеси 91,7 процентти қурады.
2024-жылдың 1-апрель жағдайына бола шарўа малларыныӊ улыўма бас саны 1 млн. 213,6 мың басқа жетти (102,5%), соннан сыйырлардың улыўма бас саны 352,9 мың басқа (103,1%), қой ҳәм ешкилердиң улыўма бас саны 1 млн. 231,0 мың басқа (104,4%), үй қусларының саны 5 млн. 022,2 мыңға (106,1 %) жетти.
2024-жылдыӊ январь-март айларында барлық турдеги хожалықлар тәрепинен тири салмақта 16 874 тонна гөш жетистирилген. Бул 2023-жылдыӊ усы дәўирине салыстырғанда 103,0 процентке көп. Соныӊ менен бирге, 55801 тонна сүт өними (104,0%), 82 миллион 284 мың дана мәйек (101,4%), 21217 дана қаракөл тери (93,2%) жетистирилди, буннан басқа 850,2 тонна балық (110,9%) аўланды.
Қарақалпақстан хабар агентлиги