Нөкис қаласында өткерилип атырған дзюдо бойынша ересеклер арасындағы Өзбекстан кубоги беллесиўлериниң үшинши күнинде қарақалпақстанлы спортшылар 4 қола медалын жеңип алды.
Атап айтатуғын болсақ, -100 кг салмақ категориясында Ерназар Сәрсенбаев, +100 кг да Элёр Машарипов, қызлар арасында -70 кг да Шахсәнем Аманиязова, -78 кг да Айзада Абулқасымовалар қола медалын қолға киргизиўге миясар болды.
Ал, ерлер арасында -90 кг, қызлар арасында +78 кг салмақ категорияларында өткерилген беллесиўлерде тилекке қарсы республикамыз палўанлары ҳеш бир сыйлы орынды ийелей алмады.
Адилбай Оразов,
Қарақалпақстан хабар агентлиги шолыўшысы