Пайтахтымыздағы Муҳаммад ибн Аҳмад аль-Беруний орта арнаўлы ислам оқыў орнының стадионында Қарақалпақстан мусылманлары қазыятына қараслы республикамыздағы барлық мешитлердиң имам-хатиблери, имам-найыплары ҳәм мешит хызметкерлери, Муҳаммад ибн Аҳмад аль-Беруний орта арнаўлы ислам оқыў орны оқытыўшылары ҳәм хызметкерлеринен ибарат 16 команда арасында футбол бойынша «Қазыят кубоги» жарысы болып өтти.
Жарыс жуўмағында, 1-орынды Муҳаммад ибн Ахмад аль- Беруний орта арнаўлы оқыў орны командасы, 2-орынды Әмиўдәрья районы ҳәм 3-орынды Нѳкис қаласы диний шѳлкем хызметкерлеринен ибарат командалар ийелеўге миясар болды.
Жеӊимпаз командаларға Қарақалпақстан мусылманлары қазыяты қазысы Шамсуддин Бауатдинов тәрепинен арнаўлы кубок, диплом ҳәм естелик саўғалары салтанатлы түрде тапсырылды.
Сондай-ақ, жарыста өз шеберликлери менен айрықша көзге түскен бир қатар ойыншылар «Ең жақсы дәрўазаман», «Ең жақсы ҳүжимши» ҳәм басқа да номинациялары бойынша жеңиске ерисип, олар да естелик саўғалары менен сыйлықланды. Қарақалпақстан мусылманлары қазыяты мәлимлеме хызметиниң билдириўинше, футбол бойынша өткерилген «Қазыят кубоги» жарысы келеси жылларда да даўам етеди.
Адилбай Оразов,
Қарақалпақстан хабар агентлиги шолыўшысы