Қубла Кореяда даўам етип атырған континент чемпионаты мәмлекетимиз спорт командасы ушын әўметли өтпекте.
Аўыр атлетикашымыз Руслан Нуруддинов және бир мәрте континент чемпионатының теңсиз спортшысы екенин дәлийлледи.
109 килограмм салмақ категориясында чемпионлық ушын беллесиў алып барған спортшымыз дәс көтериў шынығыўында 177 килограмлы тасты бойсындырған болса, силкип көтериўде 228 килограмм нәтийжени көрсетти ҳәм ҳақылы түрде алтын медалларға ийе болды.
Өзбекстанның атын дүнья спорт майданларында кеңнен танытып киятырған Руслан еки гүрес нәтийжеси бойынша, 405 килограмм көрсеткиш пенен ең жақын қарсыласын 6 килоға артта қалдырыўға еристи ҳәм бул салмақ категориясында барлық карсыласларынан үстин екенин және бир мәрте көрсетти.
Оның жеңисине чемпионатта ўатанымыз байрағы көтерилип, гимнимиз жаңлады.
13-май күни «Париж – 2024» Олимпиадасына әҳмийетли рейтинг балларын усынатуғын континент чемпионатының кейинги күнинде ҳаял-қызлар арасында +87 килограмм салмақта да ер адамлар арасында +109 килограмм салмақта беллесиўлер шөлкемлестириледи.
Онда мәмлекетимиз аўыр атлетикашыларынан Турсуной Жабборова, Акбар Жўраев ҳәм Руслан Жангабаев медаллар ушын беллесиў алып барады.
Еслетип өтемиз, бул континент чемпионатында Азияның 35 мәмлекетинен 300 ге шамалас спортшы қатнаспақта.
Тўлқин РЎЗИЕВ,
ӨзАның хабаршысы