Кеше келеси жылдың январь айында Қатар пайтахты Доха қаласында болып өтетуғын футбол бойынша Азия кубогиниң финал басқышына шек таслаў мәресими өткерилди.
Азияның 24 күшли сайланды командасы өз-ара гүрес жүргизетуғын бул жарыста Өзбекстан сайланды командасы «В» топарында Австралия, Сирия ҳәм Ҳиндстан сайланды командалары менен бир топардан орын ийеледи.
Өзбекстанлы футболшылар Азия кубогиндеги өзиниң дәслепки ойынын 13-январь күни Сирияға қарсы өткерсе, 19-январь күни екинши турда Ҳиндстан, 25-январьда Австралия сайланды командалары менен келеси басқышқа шығыў ушын өз-ара гүрес жүргизеди.
Адилбай Оразов,
Қарақалпақстан хабар агентлиги шолыўшысы