Өзбекстан Республикасы Президентиниң 2021-йил 5-ноябрьдеги «Жүриў, жуўырыў, мини-футбол, бадминтон, стритбол ҳәм workout спорт түрлерин раўажландырыў ҳаққында»ғы ПҚ-5282-санлы қарарына муўапық Әмиўдәрья районында 9-май-Еслеў ҳәм қәдирлеў күнине бағышланып, жуўырыў бойынша марафон жарысы өткерилди.
Марафонға район аймағында жасаўшы 16 жастан үлкен спорт пенен шуғылланыўшы 200 ге шамалас ерлер ҳәм ҳаял-қызлар қатнасты. Жарыс жуўмағында ерлер арасында 1-орынды Холимбег АПЖ турғыны Рашидбек Искандаров, 2-орынды Тош-ёп МПЖ турғыны Яшнарбек Шукуруллаев ҳәм 3-орынды Сардор Шамуратовлар ийелеген болса, ҳаял-қызлар арасында 1-орынды Ойбек МПЖ турғыны Динара Озодова, 2-3-орынларды Күйик көпир аўыл пуқаралар жыйыны турғынлары Мухлиса Тўлибоева ҳәм Гүлбану Ўринбоевалар жеңип шығыўға еристи.
Жарыс соңында жеңимпазлар шөлкемлестириўшилер тәрепинен арнаўлы диплом ҳәм естелик саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы