Усы жыл 11-апрель күни Нөкис районлық Руўхыйлық ҳәм ағартыўшылық орайында Қарақалпақстан Республикасы Жоқарғы Кеңестиң суд-ҳуқық ҳәм коррупцияға қарсы гүресиў мәселелери комитетиниң баслығы З.Реймова, Қарақалпақстан Республикасы Жоқарғы Кеӊесиниң депутаты О.Бекбергенов район аймағындағы көше бийлери менен ушырасты.
Онда шығып сөйлеўшилер, мәмлекетимизде әмелге асырылып атырған социаллық-экономикалық реформалардың мазмун-мәниси, әсиресе, жәмийетте «Инсан қәдири ушын» принципи тийкарында халқымыздың абаданлығын арттырыў, экономика тармақларын трансформациялаў ҳәм исбилерменликти жедел раўажландырыў бойынша әмелге асырылып атырылған жумысларды атап өтти.
Сондай-ақ, θзбекстан Республикасының жаңаланып атырған Конституциясының мазмуны ҳәм әҳмийетине кең түрде тоқтап, пикир-усыныслар билдирилди. Ушырасыўда Конституциялық Нызам жойбары бойынша усы жылдың 30-апрель күни болып өтетуғын Референдумға бәршени белсене қатнасыўға шақырды.
Адилбай Оразов,
Қарақалпақстан хабар агентлиги шолыўшысы