Финляндия НАТОға қабыл етилди. Бул ҳаққында Польша бас министри Матеуш Моравецкий өзиниң Twitter бетинде мәлим етти.
«Бүгиннен баслап альянсқа кирген мәмлекетлер саны 31 болды. Күшли шериклер Польша, регионымыз ҳәм пүткил дүнья қәўипсизлигин тәмийинлемекте»,-деп жазады польшалы рәсмий.
Французлардың AFP редакциясына бола, Кремль Финляндияның НАТОға ағзалығын «қәўипсизликке ҳүжим» деп атаған ҳәм бул «жағдайды кескинлестириўши соңғы қәдем» екенин билдирген.
Еслетип өтемиз, Финляндияның альянсқа қосылыўы НАТОға ағза мәмлекетлер санын 31 ге жеткерди.
Қарақалпақстан хабар агентлиги